重拾心情

雖然係唔開心！但唔可以咁嘅！好！就將愛毛毛的愛傳開去！
從綱上認識到了貓義工，知道有一窩小貓可以領養，便簡選了這隻頑皮，無時停的幼貓，因為係最遲出世，所以取名為細佬佬！

和二佬肥豆初相遇！

剛渡個難過的一天

剛渡個難過的一天，一個月了，毛毛到咗彩虹橋整整一個月！心中還有隱隱的痛！
不過，傷痛總會過去的！
偶然揾到舊相還未post！

又再想起

一個唔開心五月過去了！毛毛，你可有掛念媽媽和两個哥哥嗎？媽媽腦海充滿了你的模樣，不過，毛毛，家裏增添了一個新成員，他比你還小，你斯文，淡定，有禮，他佻皮，嘈吵，愛挑戰兩個哥哥，更加令到媽媽掛念你！待媽媽有時間再將他的相片介紹給各位EE認識，呀！忘記告訴你他的名字叫細佬佬！

毛毛回家了

終於接咗毛毛回家，心情比預期好，可能覺得毛毛從未離開過我，現將毛毛擺放在大佬隔離，好讓我隨時看見兩兄弟，馮小貓，毛毛，媽媽永遠愛你們！

悼愛兒毛毛

毛毛，彩虹橋上生活慣嗎？可有遇到大佬馮小貓？今天是第二日啦！媽媽而家個心重係好痛，想起昨日你對住媽媽流眼淚就失控！媽媽問你可要回家嗎？如想就望住媽媽，但你將頭轉向第二邊，點哭求你都唔肯轉向媽媽，你是立心要走的！媽媽心碎了！毛毛，我兒，媽媽知道你已盡晒力，媽媽心痛也要放手！別了，我的么仔！永遠愛你！
毛毛一星期前突然唔肯食嘢，望著個貓碗發呆，知道他很餓又唔肯食，以為他嘴刁，為他換了第二隻天然糧只食了兩天便唔食，便立刻帶他看醫生，醫生覺得他是情緒病，便同他驗血，我要求驗腎功能，醫生覺得他還小，唔應該有腎病，但都有驗，報告一出，腎功能指數標升，立刻留院再做其他檢查，吊了兩天鹽水，一直無小便，情況危急再轉院留醫，直至醫生再通知我他兩個腎已壞掉，要我作出决定，我知他很辛苦，所以............

我兒毛毛

                                                        毛毛   2008---2013

我兒毛毛

毛毛，你好殘忍啊！你為什麼要選擇母親節離開媽媽？
                              2008---2013